اهـداء الـى/مـحـمـد بـن زايـد الخياريـن
سـلام يـاحـضـرة كـعـام الـعايـلـين
أهـل الـفـعـول الـلي تـشـد الإنـتباه
واهل المهار اللي تضد المـعـتـديـن
لاسـرجـة والـحـرب دايـرة رحـاه
تلحق بهم في عقاب جرعات الحنين
والـطير يحرون الخـيارين بـعـشـاه
خـيـالهـم كنه الأسـد وسـط الـعـريـن
تـهـاب مـنـه الـنـاس والـداري زراه
يالصـامـليـن الصـامـليـن الصـامـليـن
الـحق حـق ولا مع الـحـق إشـتـبـاه
اهـل سـربة قاس الـحـديـد بهـا يـلـيـن
تـاطى الخطر وإبلـيس ملعـون ثـواه
أهـل الأشـده لآ أهـل السـيف السنيـن
والـحـضـرمـية والـمـشـوك والـقـنـاه
وأهـل العـقـادة سـتـر وضاح الجـبـيـن
لا صـاح صـياح الضـحى لـبوا نـداه
والـلـي سـمـعـته مـن اعـلـوم الأولـيـن
مـافـيـهـم اللـي تـذكـر الـعـالـم رداه
أبـخـلهـم اللـي يـذبـح الكـبش السـمـيـن
وأجبنهم اللي لاحـتمى الماقـف حـماه
والـحاصـل عـلـم الـحـيـا والـطيـبـيـن
يـبـيـن والـلـي يـبغـي الـطـيـب لـقـاه
ولـقـيت بـن زايـد عـشيـر الـغـانـمـيـن
أشهـر من سهيل اليماني فـي سـمـاه
وإسـمه مـحـمـد غيث هلكـه مـايـشـيـن
يـدخـل بـيوت الـفـقـر مـرحلة الـغناه
في ابن الـمطـوع تـجـتمع دنـيـا وديـن
مـامـثـلـهـا طـيـبٍ عـلى قـوة صـلاه
اِمُـيـزه رب الـبـشـر فـي حـاجـتـيـن
يـاثـق بـه الـحـاكـم ومـعـروفٍ ولاه
الـوقـت وقـتـك وانـت ياذرب اليـمـيـن
ضـلـعً ضـلالـه فـوق ويـذري ذراه
كـريـم سـبـلا والله أكـرم الأكـرمـيـن
لـك يابن زايـد مـع أهل الجاهات جاه
ترى السنافي اللي من أقصى المسلمين
نـفـرح إلى من جـات حـاجـتـنـا وراه
كـيـف أرجو الفـزعه من أقصار اليدين
وأنـا سـعـود بـن سـنـيد مـن أخـويـاه
لـكـن إلـى ذا الحـيـن ذاخـره ابـعـديـن
ذاخـره إلـيـن الـصـبر يـاصل مـنتهـاه
ووجـيـهـنا عـنـده طـوال مـن سـنـيـن
ماهو من ذا الحيـن من ماضـي الحـياه
وانـت بـن زايـد سـيد سـيد الـعـارفـيـن
وانـا تـرى كـنـك مـوصـيـني وصـاه
كـتـبـت فـي مـدحك من الـشـعر الـثمـين
طـوحـت صـوتٍ سمعـوا العالم صـداه
حـاولـت مـدحـك مـثل بـاقـي الآخـريـن
لـقـيـتـك أكـبر مـن كـلامـي ومـعـنـاه
واسـلـم سلـمـت ويـسـلمون الـسامـعيـن
أهـل الـفـعـول الـلـي تـشـد الأنـتـبـاه
للشاعـر/سـعـود بـن سـنـيـد الـدعـيـة الـمـري
