سميت باسم اللي فرض خمس الأركان

                          سبحانه الخالق عزيز الجلالي

عالم خوافي مايخفيه الانسان

                        وسامع دبيب الذر تحت النصالي

من بعد ذكره بابدع القاف طربان

                           واكثر الترحيب باللي طرآلي

يامرحبا ماغاب نجمن وما بان

                           يامرحبا بك ياكريم السبالي

ياشاعر راسه من العرف مليان

                      وابيات من صافي غدير الزلالي

وقدرك كبير ولك معزه ولك شان

                      وانا على شانك ثنيت العقالي

والعلم له مبدى ومغزى وله شان

                      وابشر بنا لاصك جالن بجالي

حنا بني عم على العز واخوان

                    والطيب والمعروف سلم الرجالي

وجعله فداك اللي مشكن وخوان

                       ومربده خايب من قديم وتالي

هذا ولايزعجك طايش وفسقان

                      فاضي عمل عده من العقل خالي

اللي رصيده كذب زور وبهتان

                       مكـسبه كـذب واخـره للزوالي

والبوم بوم وماكر الحر مابان

                      ولاذكـر ضبعن تجيب الغـزالي

واللي يهد التبع ماهوب كسبان

                      صـيده طـويرات الفلا بالمفالي

هذا وكلن له صديق وعدوان

                    ومن جرب الدنيا يشوف الهوالي

والصبر ياراشد من أنواع الايمان

                      والله يـجـنـبـنا طـريق الميالي

هذا موضوع الغضي دعج الاعيان

                    اللي بها من سحر هاروت صالي

جذابة المنظر كما عود ريحان

                  وشقر الجدايل مثل وصف الحبالي

ولقيت رجلن بالمسايير فرحان

                  وقال ابشروا لوكان تبغي حلالي

وجهن وجاه ولاتطرون الاثمان

                  وارقـى سـنـود بـنايـفات الطـوالي

وصلاة ربي عد ماحان الاذان

                  عـلى الـنبـي اعـداد عـد الريالي