لسماع رد الشاعر سعود بن سنيد الدعية على قصيدة حمد الدعية (الغناوي)

البارحة ياسعود فكري فيه شيء من الجنون

                    سـريـت كـل الليل وأثرني هـنيآ ماسريت

حولي بشر وأزهم عليهم وأثرهم مايسمعون

                   أشرة ماهم يفهمون اشارتي وانا ابتليت

بعقول دون عقول مدري ياكلون ويشربون

                 وبيوتهم عشرين بيت وكل بيت فوق بيت

لباسهم مثل اللحاف ملونً من كل لون

                  والكل منهم فوق راسه لبتن من دون ليت

وإلى بغوا يمشون مايمشون لكن يركضون

                  ولـي تـمشوا كبليت ولاستراحوا كبليت

ولى قربت شوي منهم كنهم لي يسجدون

                 ولارفعت لهم عصاي شوي ولانهم شتيت

مايزعلون من الزعل ومن الفرح مايفرحون

              ياسعود انا والله مثل ذا الناس ذولا مالقيت

دبرت منهم واستمالوا مثل ميال الغصون

             وعهدي بهم متمايلين ورحت منهم مادريت

واليوم يابن سنيد تكفى كان عندي منك عون

             فـزعتك وانا فيك ياراعي المواقيف انتخيت

عطني خبر من مصر ولا الصين كانك له زبون

             ولا من السودان ولا الهند ولا من الكويـت