يا سلام الله عـليكم وابركاته ياسـلامـي

                     ياسلامي والسلام ازكى مناديب التحية

من غلاها اقدمه ويسير في مبدا كلامي

                    هكـذا مـبدا القـصـيد ليا بدى والنار حيه

ياقصيدي ساعتً وحده وتسوى الفين عامي

                    ساعـتً فيها حضرنا حفل راعـي الاوليه

جت بيوتً مثل حد السيف قصاص العضامي

                 وامدح اللي شوفته عيدً مثل عيد الضحيه

ياقـصيدي لو تـدوس الجمر الأحمر ما تلامي

                 قدمك اللي مايهـاب الـموت واعزومه قويه

من بني عـمي هـل الـطـولات وكـبـار الاسامي

                 رجـل مـنـصـى للـرجـال مـحـنـك ميه بميه

اشـهـدن اللي رفـيـقـه طـيـب ماهـو يـضـامي

             مثل ابن حنزاب جابر محزمي راعي الحميه

من شيوخ البشر كنه النور جلاي الظلامي

               عزوتي في ساعةً فيها الخوي ينسى خويه

شيخ واعلوم المراجل ماخذن فيها الوسامي

               الـمراجـل ورث جـده من اعـصـور الجاهـليه

الكـرم طـبعـه ومـمـشاه العـدالـه والنظامي

             والشجاعه والكرم والطيب باليمنى الصخيه

تنشرى البيضا لابن حنزاب في روس الزوامي

              دام راسـي حـي وبيوت القـصيد امـجـاذبيه

يمدحك رجل معرب من خوال ومن عمامي

              امـدحـك وانا سـعـود بن سـنيد ابن الـدعـيه

امدحك مدح اخو مريم للفهد يابن الكرامي

               يـوم سـل الـسيف أبو حـدين جـلاب الـمنيه

مايضد القوم بطاح السوالف والكلامي

              والـكـحـيله ماتـضـويها الـتماني والـوصيه

وانت شيخ وابن شيخ ومن رفيعين المقامي

             جابـر الـحـنزاب راعي الـطيب راعي الاوليه