البارحـه وابـعـد الـعـربان واقـربـهـا

                        معـا وانا جـيت سـاري في حـراويها

كـهربـت الأجواء لين أحرقت كهربها

                       لــحــضـات وارجـع أولـهـا لـتالـيـهـا

لاتـقول سـالم جمال الـبدو واجـربها

                      جـربً مـن ذيـولها الـى روس اذانيها

طـول السنه والأشـده في غـواربها

                     تـسنـيِ عــذاري ورى القيض حاديها

وفـازت عذاري بعـذروبً يعـذربها

                    تسقـي البعـيدين واعـطاش سوانيها

ماعاد من عبس باقي الا مضاربها

                    ولـو ان بـه خـيـر جـانـا قـبـل يـاتـيها

اللـحية اللي مـحـلـقـتـن شـواربها

                    مـاعـزهـا مـن بـدايـة الامــر راعــيـهـا

واحـرص من ام الكباير يامقربها

                  الــرزق مـاحـطـهـا الله فـي مـخـابـيهـا

ومن حارب عيال عم الناس حاربها

                  اعـلـوم نـجـهر بـها واعـلـوم نـخـفيها

قـبلي وقـبلك هـديب الـشام جـربها

                 واللي مـاتبغـي هـديب الشام مابغيها

انا يـمـيـنـي عـلى العـفه مـدربها

                  يـلـي يــمينـك عـلـى الـخـفه مضريها

والعـزوه اللي ماراعـيها يعـربها

                 عـنـد اتـفه الـناس مـدري عـند واطيها

هـاذي وهـاذيك مـنك ماتغـاربها

                 بـارد حـمـايـا وشـكـلـك رايــحً فــيـهـا

أقـول لاتـقرب الـشبهه وتـقربها

                تـعــمـدك لـلـخـطـايـا وش تـسـمـيـهـا

بِل الرساله لين اتذوب واشربها

               تـبت اقــصـار الـيـديـن وتـبـت ايـديها

قـوارش الأرض حيتها وعقربها

               سـيـئـاتـها عـندي اكـثر من حـسانيها

واللي قـبل لاتشوف النور سربها

                لــفـلان وافــلان يـــفـسـر مــعـانـيـهـا

عنده ردي العلوم وعندي اذربها

               ويـرفـع عـلمها وتـوسم باسـم راعـيها

الامثال لاجاو أهلها زان مضربها

               من مـصدر العـرف والحـكـمه نغـنيها

ماهو يغثرب ردي الراس مشربها

                 الله مـن الــذل والـحــقـران حـامـيـهـا

شف مشرق الأرض بعد من مغاربها

                الـفـرق بـيـنـي وبـينك بـعــد مـافيها

مع ابعد الناس لاتفزع على اقربها

                 مـافـيه غـير الهبني فـي مـخـابيها