أسـمـع كـلامـي وأنـتبه يـالـشمالي

                        من سلم أمره حاسوا الناس دعواه

مـاودي انـك تـنـصدم وأنت غـالي

                        فـي واقـع ملعـون أبـا جـد تـلـقـاه

في الوقت ذا حتى الرفيق الموالي

                       يـاتـيـه مـنك الـطيب وتجيك عجفاه

وإن قـلت لي ماهـوب سـلم الرجالي

                      أقــول عــوال الــدهــر كــنــه إيـاه

وأن قلت اخوي وولد عمي وخالي

                     أقـول اخـو مـثـلـك وشـرواك مـخباه

حـنا بـعـصر الـعـولـمـة والـريـالـي

                      والـلـي تسوي فيه معـروف ينساه

أشـيـاء مـن الواقع وكـنهـا خـيـالي

                     المال صار أفضل من الوجه والجاه

لاتـصير صـاحي تـتهم بـالـهـبـالـي

                    مــنــت بــمـثــل هــذا ولاذا ولاذاهـ

لـو ان مـنـت بـواحـد مـن اعــيـالـي

                   ماجـيـت بالـطـاروق يـمك من أقصاه

لكـن يـشرفـني لـيـا قـلـت خـالـي

                   ولـك الـشـرف بفعال خالـك وممشاه

وأن مارتفع راسك ايلا جاء مجالي

                   مانـي عـشـيـر أم الجمال الـمـخباه

 مثل الجـبل مـانـي بـجـالً هـيـالـي

                 وأحـد مـعـك أطـلـق شـنـب واتـحـداه

وقـفـة رفـيـقً مـع رفـيـقً مـوآلـي

                 مـاهـو يبـور ويـشـرب الـرق لآجـاه

أنـا خـويـك قـم تـقـفـآ الـجـمـالي

               والـلي يـسـوي عـنـدنا الـطـيب يـلـقاه

هاذي يدي واللي طرآلكـ طـرآلي

                أحــدً نـعـده ربـح وأحـدً خـسـرنـاه

واللي علي يطري ليا ضاق بالي

                مـاهـوب ضيفً في محلي إيلا جاه

والمـشكـله لاصـار مثل الـشمالي

                   فـي عـمق تفـكيره وفي قوٌ مـعـناه

وأرسـى مـن أرسـآ نايفات الجبالي

                مـاتـمـلك رمـوز الشـجاعـه مـزآياه

الـزيـر سـالـم وأبـوزيـد الـهـلالـي

               وذيـاب بـن غـانـم بـسـيـفـه وشلفاه

لكـن الـيـآ بـاروا أقصار الحـبالي

               وعـطـاك ابن عـم الـفـراغـات عـلباه

فـلا لـك إلا الله عـزيـز الـجـلالـي

                وأهـم شـيءً طـاعـة الله ورضـاه