يانديبي فوق مسبوق الدفع عند الوكاله

              جيب لكزس ماتضُويه اليدين اللي شحاحي

مشتريه بحر مالي مانبي لآحدٍ جماله

              ساعةً مانغبط أهل الغرب والشرق السياحي

روُحته تقرب سراب فجوج الأرض إلى زمآ له

            منوة المشتاق والخايف من الخوف إستراحي

نَصُه لشاعر من آل بحيح سُلمه الرِساله

                 مـن عيال العود مروُية المشوك والرماحي

من عمالقة الشعر يعجبك حتى في مقاله

                 شاعرً يلعب على طرق الشمالي والرياحي

أدري انه يشرب الفنجال ويكب البياله

                    مزبن المضيوم لآكثر النعت ولآ اصياحي

كن ظني فيه ظن العود في خيرة إعياله

                   لازم انهٌ يعالج الموضوع من كل النواحي

مقصدي سالم لعزب منصآ أرجال وينعنآله

                    علموه وقولوا أبن سنيد منه السد بآحي

بآح سده من جمال الحور يوصف في جماله

                    لعنبوا حيه يطيح الطير خفاق الجناحي

آتـلـعً مـنـه الـبـنات تـغـار حـتى من ظـلاله

                  وإن وقف كنه يقول أقبل وعنك الهم زآحي

عايشً عيشة رفاهيه ويطلب مآطرآله

                    مـايـهـمه مابـغـى يـاخذُه مـن جـمً قرآحي

مكفيً حتى السلام يٌرد عنه بالوكاله

                    عـآش جـو العولمة والبختره والإنفتاحي

طلعته غيثً يعُل الأرض ويربع حلاله

                     طلعته لآمن طـلع كنها تنفآس الصُباحي

وأبرك الساعات عكس إسمه حروفً من دلآله

        وأنعكست حروف مير أتشوف برق الوسم لآحي

وأنت شاعر عبقري والذيب ذيبً في جباله

                   مقتنع في رأيك الطيب وفي رايك صلآحي