يالله ياخلاق انسن مع جان

              ياوالي تعطي العطايا الجزالي

افرج لمنهو تالي الليل سهران

            وقامن هواجيسه عليه اجتوالي

ياراكبن من عندنا فوق نيسان

           ماهو يهاب من العتش والرمالي

نصه ربوعن في المعاسير كرمان

                 خـيالة الـصفرا نهـار القتالي

ياسعود يا بن سنيد ياطير حوران

              ياكاسب الطولات في كل حالي

شبحك بعيد وفي التجارب كحيلان

             ويا سعد من حطك رفيقً موالي

امعنزينك من خوالن وعمان

             وجدك يحول في عقاب التوالي

تسع قلعها يوم زوغات الاذهان

              وعنده تمام العاشره بالكمالي

عندي على قولي شاهد وبرهان

                هرج بلا برهان ماهو يقالي

ترتع به الطرعات لاثار دخان

           وتعرس به اللي مازهاها ادلالي

ياما خذا في الهوش زينات الألوان

              ياخذ ويروي مرهفات السلالي

ياسعود يابن سنيد كنك بليهان

            من عادتك شيل الحمول الثقالي

جعله فداك اللي تحدا ولا بان

            وشره على ربعه خبيث المجالي

كم قدمت يمناك كبش من الضان

              والهيل يعبى في نظاف الدلالي

ياسعود انا من ميلت الوقت بحلان

                 نـاس تـقدم ماعـليها اتـكـالي

والى حكينا قالو فلان غلطان

               والى سكتنا راعي الحق مالي

ترى الثعل مارافق الذيب سرحان

              والحر ياقع في طويل الجبالي

ياسعود خلي في الصبايا له اعلان

               اعـلان زين وباهي بالجمالي

ياسعود هاته كان زادو بالاثمان

             وان ماحصل ياسعود ياعزتالي

وصلاة ربي عد ماهل ودان

              على النبي اعداد وبل الخيالي