يرسل لك العزيمة في مسج تلفون

              الـعـزيـمـه رسـالـه ويـتـشـره عٌـلي

ياولـيـد الـشـقـى مـنـته عـلي إتمون

            منته أبويه سنيد ولاانت عمي عَليِ

نُحسِن الظُن فِيك وْجَيت دْون الظٌنون

            من هلي غـير ماعـنـدك حـمية هـلي

مع قصار اليدين الطيب ماله زبون

            ياسلامي عـلى اللي مـنـزله معـتلي

من رجا فزعة الرديان مات مغبون

            جـعـل من لامـني في مـثـلـهـم يبتلي

الرفيق الردي مثل البعير الحرون

            كـيـف تبعدني الهقوات وانت جملي

ويش ابي في رفيق لاشكيت الطعون

            لايـهـمـه رضــاي ولاشـحٌـنَـه زُعـلـي

جعلني كل ما دارت رحى الوقت أكون

            ولـد خال السنافي وابن عم الشلي